Апошнім часам быў поўным мерапрыемстваў у Рыме аб нашай дарагой Беларусі!
Ужо ня памятаючы пра візіт Лукашэнуі, былі 2 канферэнцыі, дастаткова цікавыя, на якіх я гаварыла пра Беларусь.
Першая была 22 траўня, а назва была "Пытаньні альфавіта, пытаньні ідэнтытэта- Другі дзень кірылла-метадыйныя дасьледаваньні", дзе мая прамова была пра тое, на якіх альфавітах пісалася на Беларусі з 13 ст. до сёньняшняга дня.
другая была не навуковай. а камерцыйннай, назва была " Турыстычныя прыгажосьці Беларусі й Украіны" а мне прыйшлося гаварыць пра гісторыю Беларусі й Украіны. Было файна, былі яшчэ конзуль і адзін атташэ з амабасады, і ўвесь час са мною размаўлялі яны па-беларуску! Атташэ гэта той малады чалавек, якога я сустрэла год таму на амбасадзе, які так кепска размаўляў на мове: але мне сказаў, што гэта бало з-за шока бачыць Італійку размаўляючую па-беларуску :))) А ўчора вельмі добра размаўляў. Мы зь ім і яшчэ адна дзяўчына беларуская вярталіся разам на метро дахаты, і павінна сказаць. вельмі прыемна было тое, што абодва стараліся заўсёды карыстацца белмоваю...
На самай каныерэнцыі не было шмат людзей, але гэта турагенства яе арганізавала, якое хоча цікавіць Італьянцаў з Бедарусьсю: спадзяемся! 
А конзуль ў прыканцы падзякаваў "адну італійскую грамадзянку якая ведае беларускую мову" (ці праўда ня ведаю...), і таксама сказаў, што мой даклад быў вельмі "politically correct"- гэта мне было цяжка зрабіць. сама ня ведала, ці маўчыць пра дыктатуру ітд лаяльна до вас. але потым падумала, што Беларусь ня толькі дыктатура. а калі турысты туды едуць, тым лепей.
А на 1 каныерэнцыі хлопец папрасіў мяне даслаць яму тэкст даклада, бо вельмі цікавіцца Беларусьсю, нават трохі ведае мову (нас ўжо 2!!!) і хацеў б таксаа прыехаць на Беларусь.
і ў гэтыя дні на лекцыях для дактарантаў у маім ўніверы амаль кожны дзент гаварылі мы пра Беларусь, і пра гісторыю й культурную роль яе й Украіны для Расеі й для Эўропы.
так што тут у Рыме беларушчызна жыве й расцьвятае! ;)